राष्ट्रपति विद्यादेवी भण्डारीले शुक्रवार दुईवटा विधेयक प्रमाणीकरण गरेकी छन् । उनले बिरुवा संरक्षण ऐन, २०६४ लाई संशोधन गर्न बनेको विधेयक र बीउबिजन ऐन, २०४५ लाई संशोधन गर्न बनेको विधेयक प्रमाणीकरण गरेको राष्ट्रपति कार्यालयले जानकारी दिएको छ । 

संघीय संसद्को प्रतिनिधिसभा र राष्ट्रियसभाको बैठकबाट पारित भई दुवै विधेयक प्रमाणीकरणका लागि राष्ट्रपतिको कार्यालयमा पेश गरिएका थिए । 

संविधानको धारा ११३ को उपधारा (२) बमोजिम राष्ट्रपति भण्डारीले उक्त दुई विधेयक प्रमाणीकरण राष्ट्रपति कार्यालयद्वारा जारी विज्ञप्तिमा उल्लेख गरिएको छ ।