नेपाल मजदुर किसान पार्टीका सांसद प्रेम सुवालले नेपाली नागरिकसँग विवाह गर्ने विदेशीहरूलाई कृत्रिम नागरिकता दिनुपर्ने बताएका छन् । 

शुक्रवारको प्रतिनिधि सभा बैठकमा बोल्दै सांसद सुवालले नेपालीसँग विवाह गर्ने विदेशी महिला अथवा पुरुषलाई २० वर्षपछि कृत्रिम नागरिकता दिनुपर्ने बताएका हुन् । 

उनले कृत्रिम नागरिकता लिनका लागि पनि नेपालको संस्कृति बारेमा लिखित परीक्षा उत्तीर्ण हुनुपर्ने व्यवस्था गर्नुपर्ने उनले बताए । 

उनले नेपालको नागरिकतासम्बन्धी समस्या समाधान गर्न खुला सीमालाई बन्द गर्नुपर्ने बताए । 

उनले संघ र प्रदेश दुवै तहको नागरिकता बनाउनुपर्ने बताए । उनले महिला र पुरुष बाहेकका लिङ्गको नागरिकता दिनका लागि चिकित्सा विज्ञानले प्रमाणित गर्नुपर्ने बताए ।