सरकारले पेट्रोलियम पदार्थमा पूर्वाधार कर लगाएर संकलन गरेको ५९ करोड ८६ लाख, ८० हजार रुपैयाँ नेपाल आयल निगमलाई दिएको छ । 

गत असार ३१ गते बसेको मन्त्रिपरिषद् बैठकले उक्त रकम आयल निगमलाई दिने निर्णय गरेको नेपाल सरकारका प्रवक्ता तथा सञ्चार तथा सूचना प्रविधि मन्त्री ज्ञानेन्द्रबहादुर कार्कीले बताए । 

कार्कीले मन्त्रिपरिषदको निर्णय सार्वजनिक गर्नको लागि आइतवार सञ्चार तथा सूचना प्रविधि मन्त्रालयमा पत्रकार सम्मेलन आयोजना गरेका थिए । सरकारले अनुदान स्वरुप आयल निगमलाई उक्त रकम दिएको मन्त्री कार्कीले बताए । 

उद्योग, वाणिज्य तथा आपूर्ति मन्त्रालयमार्फत आयल निगमले उक्त रकम पाउने छ ।