पेट्रोलियम पदार्थको मूल्य घटेर आएको भएपनि आयल निगमले भने भाउ घटाएको छैन । आयल निगम घाटामा रहेकोले हाललाई पेट्रोलियम पदार्थको भाउ यथावत राखिएको नेपाल आयल निगमले जानकारी दिएको छ । 

आयल निगमका अनुसार इण्डियन आयल कर्पोरेसनले पठाएको पछिल्लो मूल्य सूची अनुसार पेट्रोल, डिजेल र हवाई इन्धनको  खरिद मूल्य घटेर आएको भए पनि निगमलाई घाटा नै हुने भएकोले हाललाई पेट्रोलियम पदार्थको भाउ यथावत राखिएको छ ।

निगमका अनुसार पेट्रोलमा अझै १४.१९ र डिजेलमा २१.९२ रुपैयाँ प्रतिलिटर घाटा छ । ग्यासमा प्रतिसिलिण्डर ५८२.४२ रुपैयाँ घाटासहित निगमलाई अझै १५ दिनमै २ अर्ब १६ करोड रुपैयाँ घाटा भएकोले पेट्रोलियम पदार्थको भाउ नघटाउने निर्णय भएको आयल निगमले जानकारी दिएको छ ।