बुधवार राति र बिहीवार बिहान काठमाडौं उपत्यकाको विभिन्न ठाउँमा भारी वर्षा भएको छ ।

ललितपुरको गोदावरी लगायतको स्थानमा भारी वर्षा भएको जल तथा मौसम विज्ञान विभागले एसएमएस अलर्टमार्फत जानकारी दिएको हो । 

'पछिल्लो २ घण्टा गोदावरी र आसपास लगायत काठमाण्डौ उपत्यकाको केही स्थानमा भारी बर्षा भएको छ,' विभागले भनेको छ । 

विभागका अनुसार गोदावरी खोला, हनुमन्ते खोला लगायत नदीमा आकस्मिक बाढी आउन सक्ने सम्भावना रहेको छ । 

यस्तै खोलाको पानी किनारको बस्ती र सडकसम्म आउन सक्ने सम्भावना रहेको विभागले जनाएको छ ।

विभागले बिहान ९ बजेसम्म उच्च सतर्कता अपनाउन सो क्षेत्रका बासिन्दालाई एसएमएसमार्फत अलर्ट गराएको छ ।