हाल मनसुनको न्यून चापीय रेखा सरदर स्थान भन्दा केही उत्तरतिर अवस्थित रहेको जल तथा मौसम पूर्वानुमान महाशाखाले जनाएको छ । महाशाखाका अनुसार बिहीबार बिहानैदेखि देशभर सामान्यदेखि पूर्ण बदली रहेको छ। यस्तै प्रदेश १, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशका थोरै स्थानहरूमा मेघगर्जनसहित हल्कादेखि मध्यम वर्षा भइरहेको छ।

यस्तै दिउँसो पहाडी भूभागका धेरै स्थानहरूमा र अन्य भूभागका केही स्थानहरूमा  वर्षाको सम्भावना छ । सुदुरपश्चिम र प्रदेश १ का एक दुई स्थानमा भारी वर्षाको सम्भावना रहेको छ ।

यस्तै राति पहाडी भूभागका केही स्थानहरूमा र अन्य भूभागका थोरै स्थानहरूमा हल्कादेखि मध्यम वर्षाको सम्भावना रहेको छ । महाशाखाले आगामी २४ घण्टामा सुदुर पश्चिम र प्रदेश १ का एक दुई स्थानमा  भारी वर्षाको सम्भावना रहेकोले पहाडी भूभागमा भूक्षय, पहिरो तथा गेग्रान बहावको जोखिम रहेको भन्दै चेतावनी जारी गरेको छ । 

 साथै नदी नाला तथा खहरे खोलाहरूमा पानीको सतह बढ्न सक्ने तथा यातायात क्षेत्र समेत प्रभावित हुन सक्ने भएकोले सतर्कता अपनाउ अनुरोध गरेको छ ।