राप्रपा नेपालका अध्यक्ष कमल थापाले अहिलेको नागरिकता विधेयक आपत्तिजनक रहेको बताएका छन् । 

उनले प्रत्येक नेपालीले सहज र सरल रुपमा नागरिकता पाउनुपर्ने बताउँदै वैवाहिक अंगीकृतमा सन्दर्भमा नेपालमा विवाह गरेर आएपछि निरन्तर सात वर्षसम्म बसोबास गरेपछि मात्रै नागरिकता जारी गर्नुपर्ने बताए । 

उनले सो अवधिका लागि राजनीतिक बाहेकका अन्य अधिकार प्रयोग गर्न पाउने गरी आवासीय अनुमति पत्र दिने प्रावधान कायम गरिनुपर्ने भन्दै अहिले संसदमा प्रस्तुत विधेयक आपत्तिजनक भएको समेत बताएका छन् ।

शुक्रवार काठमाडौंमा पार्टी सम्बद्ध जनवर्गीय संगठनहरूको संयुक्त विरोध प्रदर्शनमा बोल्दै थापाले सरकारलाई राष्ट्रघात र जनघात गर्ने काम नगर्न चेतावनी समेत दिए । 

मनपरी ढङ्गले जबर्जस्ती अघि बढ्न खोजे श्रीलंकामा नेताहरु प्रति जनताले देखाएको आक्रोश बेहोर्नु पर्ने उनको भनाइ छ ।