बाँके जिल्लाको कोहलपुर नगरपालिका वडा नम्बर १४ पार्वतीपुरमा मंगलवार एक दम्पत्ती मृत अवस्थामा फेला परेका छन् । 

जिल्ला प्रहरी कार्यालय बाँकेका अनुसार पत्नी मञ्जु गडरिया घरभित्र र पति कृष्ण गडरिया घर बाहिर मृत भेटिएका हुन् । बाँकेका प्रहरी प्रवक्ता मधुसुदन न्यौपानेले मंगलवार बिहान उनीहरू मृत अवस्था फेला परेको जानकारी दिए ।

उनीहरूको कसैले हत्या गरेको प्रहरीले आशंका गरेको छ । घटनाको प्रारम्भिक अवस्था हेर्दा हत्या भएको हुनसक्ने प्रवक्ता न्यौपानेले बताए । मृतक दम्पतीको शरीरमा चोट देखिएको प्रहरीले जनाएको छ ।