प्रतिनिधि सभा सदस्य इन्दुकुमारी शर्माले नेपालमा ५ लाख भन्दा धेरै मानिसहरु गैरकानूनी कारोबार ‘क्रिप्टोकरेन्सी’मा संलग्न भएको बताएकी छन् । क्रिप्टोकरेन्सीको कारोबारमा नेतादेखि कर्मचारीसम्म संलग्न रहेको उनको दाबी छ ।  

मंगलवार प्रतिनिधि सभा बैठकको शून्य समयमा बोल्दै तत्काल क्रिप्टोकरेन्सी कारोबारलाई नियन्त्रण गर्न वा करको दायरा ल्याउन माग गरिन् । पछिल्लो समय बैंकमा पैसाको अभाव देखिनु, शेयर बजार धरासायी हुँदै जानुमा क्रिप्टोकरेन्सी कारोबार प्रमुख कारण रहेको उनको दाबी थियो । 

‘नेपालमा ५ लाखभन्दा धेरै मानिसहरू गैरकानूनी कारोबार क्रिप्टोकरेन्सीमा संलग्न छन् । लगानीकर्तालाई कानूनको डर छ, लगानी सुरक्षित छैन भन्ने आंतक छ । छोटो समयमा नै धेरै मुनाफा हुने व्यापार क्रिप्टोकरेन्सीमा बेरोजगारी युवा, भष्टाचारी, जग्गा र हुण्डी कारोबारमा नेतादेखि कार्यकतासमेतको आकर्षण बढ्न थालेको छ,’ उनले भनिन्, ‘बैंकमा पैसाको अभाव देखिनु शेयर बजार धरासाही हुँदै जानुमा क्रिप्टोकरेन्सी प्रमुख कारण रहेको छ । क्रिप्टोकरेन्सीलाई करको दायरामा ल्याएर नियन्त्रण गर्न सरकारसँग माग गर्दछु ।’