मोरङ जिल्लामा पछिल्लोपटक २७ हजार बढी मतदाता थपिएका छन् । जिल्ला निर्वाचन कार्यालय मोरङका अनुसार जिल्लामा स्थानीय निर्वाचन सम्पन्न भएयता २७ हजार २२५ जना मतदाता थपिएका हुन् । 

गएको असार १ गतेदेखि साउन २१ गतेसम्ममा उक्त संख्यामा मतदाता थपिएको कार्यालयले जनाएको छ । त्यसमध्ये पुरुष मतदाताको संख्या १३ हजार ८३९ र महिला मतदाताको संख्या १३ हजार ३८६ जना रहेको छ । 

सरकार गत बिहीवार प्रतिनिधि सभा र प्रदेश सभा सदस्यको निर्वाचनको मिति घोषणा गरेको थियो । सरकारले मंसिर ४ मा निर्वाचनको मिति घोषणा गरेलगत्तै निर्वाचन आयोगले मतदाता नामावली संकलन कार्य स्थगित गरेको छ । 

आयोगले गएको शुक्रवारदेखि फोटोसहितको मतदाता नामावली संकलन कार्य स्थगित गरेको हो ।