आगामी मंसिर ४ गते हुने प्रतिनिधि र प्रदेश सभा निर्वाचनको रणनीति बनाउन नेकपा एमालेको केन्द्रीय सचिवालयको बैठक बस्दैछ । बैठक मध्याह्न १२ बजे ललितपुरस्थित पार्टी कार्यालयमा बस्ने तय भएको छ । 

बैठकमा समसामयिक राजनीतिका साथै मंसिर ४ मा हुने प्रतिनिधि र प्रदेश सभा निर्वाचनका विषयमा छलफल हुने एक नेताले बताए । 

आगामी निर्वाचनमा एमाले एक्लै प्रतिष्पर्धामा उत्रने तयारीमा छ । तर, सत्ता गठबन्धन बाहिर रहेका विचार मिल्ने दलहरूबीच तालमेलको सम्भावना रहेको पनि एमाले नेताहरूले बताउने गरेका छन् । 

सत्तारुढ गठबन्धन दलहरूले भने आगामी निर्वाचनमा तालमेल गर्ने औपचारिक निर्णय गरिसकेका छन् । गठबन्धनमा रहेका दलहरू आगामी निर्वाचनमा सिट बाँडफाँटको तयारीमा लागिरहँदा एमालेले पनि निर्वाचन रणनीति बनाउन लागेको हो । 

एमालेले चाँडै पोलिटब्युरो र केन्द्रीय कमिटीको बैठक पनि आह्वान गर्ने स्रोतले जनाएको छ ।