नेपाली कांग्रेसका नेता तथा प्रतिनिधि सभा सदस्य प्रदीप गिरीलाई बचाउन अस्पतालको टिमले अनवरत प्रयास गरिरहेको उनको परिवारले जानकारी दिएको छ । पत्नी भारती सिलवाले गिरीको स्वास्थ्य अवस्थाबारे जानकारी दिन जारी गरेको विज्ञप्तिमा उनलाई बचाउन हरसम्भव प्रयास भइरहेको बताएकी हुन् । 

केहीसमय पहिले भारतमा घाँटीको क्यान्सरको उपचार गराएर फर्किएका गिरी एकमहिनादेखि ललितपुरको नख्खुस्थित मेडिसिटी अस्पतालमा उपचारारत छन् । पछिल्लो समय निमोनियाको समस्या देखिएको अस्पताल स्रोतले जानकारी दिएको छ । 
भारती सिलवाल गिरिले गिरीको स्वास्थ्य लाभको प्रार्थना गर्न समेत अपिल गरेकी छन् । अहिले निमोनिया बढेको भन्दै वत्तव्यमा भनिएको छ, ‘यसले धेरै अंगहरू फेल भइरहेका छन् ।’ यद्यपि, अहिले पनि डाक्टरहरुको टिम उपचारमा जुटिरहेको भन्दै उनले धन्यवाद दिएकी छन् र गिरीको स्वास्थ्यलाभको कामना गर्न समर्थनहरुलाई आग्रह गरेकी छन् ।

शनिवार राष्ट्रपति विद्यादेवी भण्डारी र नेकपा माओवादी केन्द्रका अध्यक्ष पुष्पकमल दाहाल प्रचण्डले अस्पताल पुगेर गिरीको स्वास्थ्य अवस्थाका बारेमा जानकारी लिएका थिए । 

हेर्नुस् विज्ञप्ति