काठमाडौं महानगरपालिकाका मेयर बालेन्द्र शाह (बालेन)ले फोहोर व्यवस्थापनबारे आफूले सोचेजस्तो हुबहु हुन नसकेको बताएका छन् ।

महानगरको मेयर बनेको १०० दिनको समीक्षा गर्दै बालेनले १०० दिनभित्र फोहोर व्यवस्थापनका सन्दर्भमा सोचेको जस्तो हुबहु हुन नसकेको स्वीकार गरेका हुन् । 

आइतवार सामाजिक सञ्जालमा उनले लेखेका छन्,‘ फोहोर व्यवस्थापनमा ढिलाइ स् यसमा के स्वीकार्नु पर्दछ भने १०० दिन भित्र फोहोर व्यवस्थापनका सन्दर्भमा हामीले जस्तो सोचेका थियौँ, हुबहु हुन सकेन । तर झन्डै २ दशकदेखि कुहिएर रहेको समस्यालाई हामीले सतहमा ल्याउन भने सक्यौँ । यसबाट वास्तविक समस्याहरुको पहिचान भएर दिगो समाधानका योजनाहरु बनाउन सक्ने भएका छौँ । 

मेयर बालेनले आफूहरू १०० दिनको दौडमा भने नभएको बताएका छन् ।

उनले भनेका छन्,‘ हामी १०० दिनको दौडमा छैनौँ, हामीसँग ५ बर्षका लागि योजना छन् ।