जनमत पार्टीका अध्यक्ष डा सीके राउत प्रदेश तथा प्रतिनिधिसभा निर्वाचनका लागि समानुपातिकतर्फको उम्मेदवार टुंगो लगाउन जुटेका छन् । निर्वाचन आयोगले आइतबार र सोमबारका लागि बन्दसूची बुझाउने मिति तोकेपछि राउत उम्मेदवार टुंगो लगाउन जुटेका हुन् । 

पार्टीका महासचिव चन्दन सिंहले प्रदेश प्रदेशबाट सिफारिस भएका समानुपातिक उम्मेदवारको नामलाई अन्तिम रुप दिन काठमाडौँस्थित सम्पर्क कार्यालयमा बैठक चलिरहेको बताए । 

पार्टीमा योगदान दिएका, जनाधार भएकालाई समानुपातिकमा समेट्ने गरी सो पार्टीमा छलफल भइरहेको छ।  यस्तै मधेस केन्द्रीत दल जसपा र लोसपापनि उम्मेदवार टुंगो लगाउन आन्तरिक छलफलमा छ ।