कान्तिपथस्थित निर्वाचन आयोगको कार्यालय परिसर डुबानमा परेको छ । आयोग परिसर डुबानमा परेपछि राजनीतिक दलका नेताहरू जुत्ता खोलेर समानुपातिकतर्फको उम्मेदवारको बन्दसूची बुझाउन आयोग गइरहेका छन् । 

सोमवार समानुपातिकतर्फका उम्मेदवारको उम्मेदवारको बन्दसूची बुझाउने अन्तिम दिन हो । सोमवार दिउँसो पानी परेपछि आयोग परिसर डुबानमा परेको हो । कान्तिपथ क्षेत्रमा जम्मा भएको भल आयोग परिसरमा पसेर डुबानमा परेको छ । 

आयोग परिसरमा घुँडासम्म पानी जम्मा भएपछि बन्दसूची बुझाउन भएका नेताहरूलाई असहज भएको छ । केही नेताहरू जुत्ता खोलेर पानीमा डुब्दै सूची बुझाउन आयोग पुगेका छन् । केही भने वर्षा रोकिने समयको पर्खाइमा रहेका छन् ।