नागरिकता विधेयक प्रमाणीकरण नगर्ने राष्ट्रपति विद्यादेवी भण्डारीको कदमको समर्थनमा नेकपा एमालेको भातृ संगठन सडकमा ओर्लेको छ ।

राष्ट्रपतिको कदमको स्वागत गर्दै राष्ट्रिय युवा संघले नयाँ बानेश्वरबाट र्‍याली निकालेको हो ।

र्‍यालीपछिको सभालाई एमालेका पोलिटब्युरो सदस्य महेश बस्नेत लगायतले सम्बोधन गर्दैछन् । र्‍यालीमा सहभागीले राष्ट्रपति भण्डारीको तस्वीर र राष्ट्रिय झण्डा बोकेका थिए । राष्ट्रपतिले विधेयक प्रमाणीकरण नगरेको भन्दै सत्ता गठबन्धनले विज्ञप्ति प्रकाशित गरेको थियो ।