फिल्म निर्माता रोहित शेट्टीको शो ‘खतरो के खिलाडी १२’ को ग्रान्ड फिनाले आइतवार फिल्मसिटीमा सम्पन्न भयो । योपटक उक्त शोको उपाधि कोरियोग्राफर तुषार कालियाले जितेका छन् । उनले टाइटल ट्रफीसहित भारु २० लाख नगद र एउटा नयाँ कार उपहार स्वरुप पाए । शोको विजेता बनेका रोहितको तस्विर अहिले सामाजिक सञ्जालमा निकै भाइरल भइरहेको छ ।

खतरों के खिलाडी जितेपछि रोहितको खुशीको सीमा रहेन । उनले इन्स्टाग्राममा तस्वीर शेयर गर्दै खुशी व्यक्त गरेका छन् । तस्वीरमा तुषार आफ्नो हातमा रहेको ट्रफीलाई चुम्बन गर्दै र सेयर गर्दै देखिएका छन् । उनले क्याप्सनमा लेखेका छन्, ‘तपाईंहरूको माया र समर्थनका लागि सबैलाई धन्यवाद ।’

तुषार कालियाले ग्लिटरिङ ट्रफीसँगै २० लाख रुपैयाँको पुरस्कार पनि जितेका छन् । यसबाहेक मारुती सुजुकी स्विफ्ट कार पनि उनले प्राप्त गरे । 

व्यावसायिक रूपमा, तुषार एक मोडेल, कोरियोग्राफर, डान्सर र स्टेज निर्देशक हुन् । उनले धेरै डान्स रियालिटी शोमा जज गरिसकेका छन् । यसबाहेक उनी इन्डियाज गट ट्यालेन्टको ६ र ७ औँ सिजनको स्टेज डाइरेक्टर पनि भइसकेका छन् । तुषारले अहिलेसम्म ‘वार’, ‘हाफ गर्लफ्रेण्ड’, ‘ओके जानु’, ‘धडक’, ‘द जोया फ्याक्टर’, ‘जंगली’, ‘हेट स्टोरी ४’ जस्ता फिल्मको कोरियोग्राफी गरिसकेका छन् ।