नेपाल वायुसेवा निगमले सोमवारदेखि अनलाइनमार्फत टिकट बुकिङ शुरु गरेको छ । निगमले उडान सेवा भएका सबै अन्तर्राष्ट्रिय सेक्टरहरूमा अनलाइन टिकेटिङमार्फत टिकट बुकिङ शुरु गरेको हो । 

निगमकी प्रवक्ता अर्चना खड्काका अनुसार अबदेखि यात्रुहरूले विश्वको कुनै पनि ठाँउबाट निगमको वेवसाइटबाट अनलाइन बुकिङ गरी आफ्नो उडान गन्तव्यको टिकट खरिद गर्न सक्नेछन् । निगमले हाल दिल्ली, मुम्वई, बैंगलौर, दुवई, दोहा, हङकङ, क्वालालाम्पुर, बैंकक, नारिता र रियादमा उडान भर्दै आएको छ । यस सेवामार्फत संसारभरका यात्रुहरूलाई निगमको टिकट खरिदमा सहजता हुने प्रवक्ता खड्काले बताइन् ।