काठमाडौंको नागार्जुन नगरपालिका–१ रानीवनको छेउमा रहेको फर्निचरमा बुधवार दिउँसो आगो लागेको छ । काठमाडौं प्रहरी परिसरका प्रवक्ता एसपी दिनेश मैनालीका अनुसार आगो नियन्त्रणमा आइसकेको छ ।

उक्त आगलागीबाट मानवीय क्षति भएको छैन । नेपाली सेना, नेपाल प्रहरी तथा ५ वटा दमकलले आगो नियन्त्रणमा लिएको एसपी मैनालीले बताए । आगलागीको कारण र क्षतिको यकिन विवरण थाहा हुन नसकेको प्रहरीले बताएको छ ।