नेकपा एमालेका उपाध्यक्ष विष्णुप्रसाद पौडेलले जनता समाजवादी पार्टी (जसपा) लुम्बिनी प्रदेश कमिटी सदस्य तेजकुमार घिमिरेलाई पार्टीमा स्वागत गरेका छन् । शनिवार बुटवलमा जसपा प्रदेश कमिटी सदस्य घिमिरेसहित भारत प्रवास संगठन दिल्लीका वरिष्ठ उपाध्यक्ष थानेश्वर भण्डारी र राष्ट्रिय जनमुक्ति पार्टीका नेतृ हरिमाया थापा एमालेमा प्रवेश गरेका हुन् ।

सो अवसरमा नेता पौडेलले एमालेबाट मुलुकको समृद्धि सम्भव भएको देख्नेहरू अझै गोलबन्द हुन जरुरी रहेको बताएका थिए । उनले एमालेविरुद्धको षडयन्त्रलाई चिर्न पार्टीमा आबद्धलाई निर्देशन दिँदै जस्तोसुकै गठबन्धनले एमालेको बलियो शक्तिलाई पराजित गर्न नसक्ने दाबी गरे ।