नेकपा एमाले नेता कृष्णभक्त पोखरेलले प्रतिनिधि सभातर्फ उम्मेदवारी दर्ता गराएका छन् । उनले आइतवार दिउँसो मुख्य निर्वाचन अधिकृतको कार्यालय पुगेर प्रतिनिधि सभा सदस्य पदमा उम्मेदवारी दर्ता गराएका हुन् । 

यसअघि २०७४ को निर्वाचनमा पोखरेल सोही क्षेत्रबाट निर्वाचित भएका थिए । उनी वाम गठबन्धनको तर्फबाट विजयी भएका थिए । यसपटक भने उनी सत्तागठबन्धनको तर्फबाट नेपाली कांग्रेसका उमेश श्रेष्ठसँग प्रतिष्पर्धा गर्दैछन् । 

राष्ट्रिय स्वतन्त्र पार्टीका अध्यक्ष रवि लामिछानेले पनि सोही क्षेत्रबाट उम्मेदवारी दिँदैछन् । लामिछाने उम्मेदवारी दर्ता गराउन केहीबेरमा मुख्य निर्वाचन अधिकृतको कार्यालय पुग्ने तयारी छ ।