नेकपा माओवादी केन्द्रका अध्यक्ष पुष्पकमल ‘दाहाल प्रचण्ड’ र नेपाली कांग्रेसका प्रभावशाली नेता प्रकाशमान सिंहले एउटै मन्चबाट मानुषी यमी भट्टराईलाई भोट मागेका छन् । 

वाम–लोकतान्त्रिक गठबन्धनका तर्फबाट काठमाडौं क्षेत्र नम्बर ७ बाट प्रतिनिधि सभातर्फ उम्मेदवार रहेकी मानुषीका लागि प्रचण्ड र प्रकाशमानले एउटै मन्चबाट मतदातासमक्ष मत मागेका हुन् । शुक्रवार खुसिबुमा आयोजित, शुभकामना आदान–प्रदान तथा चियापान कार्यक्रममा दुवै नेताले मानुषीसहित प्रदेशतर्फ गठबन्धनका उम्मेदवारहरूलाई मत दिन मतदातासमक्ष अपिल गरेका छन् । 

नेपाल समाजवादी पार्टीका नेता मानुषी माओवादी केन्द्रको निर्वाचन चिह्नबाट निर्वाचन लड्दै छिन् ।