सवारी चाप व्यवस्थापन मिलाउँदै नागढुङ्गा–मलेखु खण्डको सडक विस्तारले तिहारपछि गति लिने भएको छ ।

राजधानी जोड्ने र लाइफलाइन मानिने यो सडक विस्तार गर्दा ट्राफिक व्यवस्थापन मिलाउनु सबैभन्दा ठूलो चुनौती हुनेछ ।

दैनिक करीब १५ हजारभन्दा बढी सवारी साधन ओहोरदोहोर गर्ने यो सडक विस्तार गर्दा आइपर्ने ट्राफिक व्यवस्थापनको चुनौती र आमसर्वसाधारणले सास्ती भोग्नु नपर्ने गरी सडक फराकिलो बनाउने काम गरिने सडक विभागले जानकारी दिएको छ ।

विभागको नागढुङ्गा–मुग्लिन सडक आयोजनाका पूर्वी खण्ड प्रमुख ईश्वरबहादुर रिजालले यो सडक विस्तार गर्दा ५/५ किलोमिटरको प्याकेज हुने बताए । उनकाअनुसार एउटा खण्डको ठेक्कामा ५ किलोमिटर सडक विस्तार गर्ने र त्यहाँबाट सवारी अवरोधविना चल्ने भएपछि मात्रै अर्को ५ किलोमिटरमा काम गर्ने गरी योजना बनाइएको छ । 

सडक विभागले विश्व बैंकको ऋण सहयोगमा करीब १३ अर्ब रुपैयाँ खर्चिएर नागढुंगादेखि मुग्लिनसम्मको सडक विस्तार गर्न गर्दैछ । यसका लागि विभागले ३ खण्ड बनाएर ठेक्का लगाएको छ । पहिलो खण्डका लागि डेढ अर्ब र दोस्रो खण्डका लागि करीब ५ अर्ब खर्च हुँदैछ । नागढुंगाबाट मलेखुसम्मको ५५.८ किमी सडक स्तरोन्नतिका लागि मूल्य अभिवृद्धि कर (भ्याट)सहित ६ अर्ब ६५ करोड रुपैयाँ खर्च हुने अनुमान छ । 

नागढुंगाबाट नौबिसेसम्म (पहिलो खण्ड)को सडक विस्तार गर्ने जिम्मा जियाङ्सु–सगुन जेभीले पाएको छ । यो कम्पनीले १ अर्ब ३१ करोड ८४ लाख रुपैयाँमा उक्त सडक विस्तारको ठेक्का पाएको हो ।

नागढुंगाबाट नौबिसेसम्मको १२.२६ किलोमिटर पहिलो, नौबिसेबाट मलेखुसम्म ४६.५३ किलोमिटर दोस्रो र मलेखुबाट मुग्लिनसम्म तेस्रो खण्ड बनाएर सडक विस्तार हुँदैछ । दोस्रो खण्ड नौबिसेदेखि मलेखुसम्मको सडक बनाउने जिम्मा शर्मा–लामा–जेडआईसीजीले पाएको छ । यो कम्पनीले ५ अर्ब ३३ करोड १९ लाख रुपैयाँमा ४३.५२ किलोमिटर सडक ३ वर्षभित्रै विस्तार गरिसक्नुपर्ने छ ।

तेस्रो खण्डको ठेक्का लगाउने आवश्यक प्रक्रिया अगाडि बढिरहेको छ भने पहिलो र दोस्रो खण्डको ठेक्का लागेर गत जेठदेखि नै निर्माण कम्पनी परिचालन शुरू भइसकेको छ ।

नागढुंगाबाट मुग्लिनसम्मको करीब ९५ किमी सडकमध्ये ५० किमी क्षेत्र कतै ३ र कतै ४ लेन हुनेछ भने बाँकी ४५ किलोमिटर सडक डेडिकेटेड डबल लेनको हुने सडक विभागले जानकारी दिएको छ ।

मलेखुदेखि मुग्लिनसम्म चालू आवभित्रै ठेकेदार छनोट गर्ने गरी काम भइरहेको छ भने नागढुंगादेखि मलेखुसम्मको खण्डका लागि भने सडक विस्तारको कामका लागि कामदार फिल्डमा खटाउनेसम्मको तयारी भइसकेको छ । 

रिजालका अनुसार निर्माण कम्पनीले काम शुरू गर्नु पहिले डिजाइन तथा सर्भेको काम गरिसकेको छ ।

जेठबाट परिचालनसमेत भइसकेको निर्माण कम्पनीले परामर्शदातासँगको सहकार्यमा संयुक्त डिजाइन/ड्रोइङ तयार गरेको छ । यस्तो काम पहिलो खण्डको ३ र दोस्रो खण्डका ७ किमीको डिजाइन/ड्रोइङ स्वीकृत भइसकेको रिजालले लोकान्तरलाई जानकारी दिए ।

निर्माण गर्नुअघि पहिलेको विस्तृत परियोजना अध्ययन प्रतिवेदन (डीपीआर)को समेत पुनः मूल्यांकन भइसकेको छ ।

यो सडक विस्तारको काममा कामदार घटाउने र फिल्डमा देखिने काम भने चुनावपछि मात्रै हुने छ । चुनावअगाडि आवश्यक उपकरण जडान गर्ने र सडक विस्तारको चरणबद्ध खण्ड छुट्याउने काम पनि भइसक्ने छ । 

यो सडक विस्तार गर्दा सडक साँघुरो भएको ठाउँमा सडक सञ्चालन अवरोध हुन सक्छ । सडक विस्तार गर्नुपर्ने र सवारी साधान पनि व्यवस्थित गर्नुपर्ने भएकाले एक तर्फ सञ्चालनको व्यवस्था हुने सडक विभागको भनाइ छ ।

नागढुंबाट मुग्लिनसम्मको सडक विस्तार हुँदा कम्तिमा यात्रुले ३ वर्ष भने सास्ती खेप्नुपर्ने भएको  छ । पहिलो खण्ड २ वर्षमा, दोस्रो खण्ड ३ वर्षमा र तेस्रो खण्डको लागि कम्तिमा ४२ महिना लाग्ने भएको छ । 

सडक विस्तार गर्न केही समय सास्ती हुने भएपनि त्यसपछि हुने सहजता हेरेर काम गर्नुपर्ने बाध्यता रहेको सडक विभागका अधिकारी बताउँछन् । 

मलेखुबाट मुग्लिनसम्मको खण्ड विस्तारमा पनि ६ अर्ब रुपैयाँ खर्च हुने अनुमान गरिएको  छ । नागढुंबाट मुग्लिनसम्मको सडक विस्तार हुँदा कम्तिमा यात्रुले ३ वर्ष भने सास्ती खेप्नुपर्ने भएको छ । पहिलो खण्ड २ वर्षमा, दोस्रो खण्ड ३ वर्षमा र तेस्रो खण्डका लागि कम्तिमा ४२ महिना लाग्ने भएको छ ।

सडक विस्तार गर्न केही समय सास्ती हुने भएपनि त्यसपछि हुने सहजता हेरेर काम गर्नुपर्ने बाध्यता रहेको सडक विभागका अधिकारी बताउँछन् ।

मलेखुबाट मुग्लिनसम्मको खण्ड विस्तारमा पनि ६ अर्ब रुपैयाँ खर्च हुने अनुमान गरिएको  छ । 

नागढुंगा–नौबिसे सडकखण्डको विकल्प धार्के–सीतापाइला

सडक विभागले नागढुंगा–नौबिसे सडक खण्डको विकल्प धार्के–सीतापाइलालाई अगाडि सारेको छ ।

धार्के–सीतापाइला सडक खण्ड अन्तर्गतको धार्केबाट काठमाडौंका उत्तरी सिमाना ठूलोखोलासम्मको १४ किमी सडक कालोपत्रे आगामी असारसम्ममा भइसक्ने छ ।

धादिङ र रसुवा समेतको जिम्मा पाएको सडक विभागको नुवाकोट डिभिजनले धार्के सीतापाइला सडक कालोपत्रे गर्न ठेक्का लगाइसकिएको छ ।

५५ करोड रुपैयाँ बजेट विनियोजन भएको यो सडक निर्माण गर्न ठेकेदार कम्पनी छनोट भएर परिचालन समेत भइसकेको छ ।

धार्केबाट १२ किमी र ठूलोखोलाबाट २ किमी सडक कालोपत्रे गर्ने गरी दुईवटा निर्माण कम्पनीले काम शुरू गरिसकेको सडक विभागका नुवाकोट डिभिजन प्रमुख अमृतमणि रिमालले बताए । 

उनका अनुसार धार्केबाट ३ किमी भने कालोपत्रे समेत भइसकेको छ ।

रिमालका अनुसार नागढुंगादेखि गल्छीसम्मको विकल्पको रूपमा गल्छी लामीडाँडा र धार्के सीतापाइला सडकलाई हेरिएको छ । यो दुबै सडक आगामी १ वर्षभित्रै कालोपत्रे भइसक्ने गरी काम अगाडि बढेको रिमालले बताए ।

उनका अनुसार पहिलो एक वर्ष नौबीसे सडक खण्ड विस्तारमा सास्ती हुनसक्छ । गल्छी र धार्केबाट सीतापाइला आउने विकल्प तयार भएपछि भने साना सवारी धार्केबाट सीतापाइला सिधै आउने व्यवस्था मिलाएर नागढुङ्गा मलेखु सडक विस्तारलाई सहज बनाइनेछ । 

धार्केबाट सीतापाइलासम्मको २५ मिलोमिटर सडक पनि विभिन्न खण्डमा स्तरोन्नतिको काम हुँदैछ । धादिङतर्फ २ वटा खण्ड बनाएर सडक कालोपत्रे गर्न ठेक्का लगाएको छ ।

काठमाडौं खण्डले पनि ठूलोखोलाबाट सीतापाइलासम्म काम गर्ने भएकाले आगामी एक वर्षमा यो सडक कालोपत्र भइसक्ने दाबी सडक विभागको छ ।