कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
कात्तिक २७, २०७९
२०४८ सालको चुनावयता एउटा बाहेक सबै चुनाव आफ्नो पक्षमा पारेका कांग्रेसका उपसभापति पूर्णबहादुर खड्का फेरि संसद छिर्ने प्रयासमा छन् । २०७४ मा जोसँग पराजित भए, उनैसँग प्रतिस्पर्धामा उत्रिएका हुन्, खड्का ।
सुर्खेत– १ बाट प्रतिनिधि सभा सदस्यका लागि गठबन्धनको साझा उम्मेदवार बनेका खड्का अघिल्लो हारको बदला लिने योजनामा छन् । त्यसका लागि गठबन्धनको बल उनलाई अनुकूल बनेको छ ।
खड्कासँग प्रतिस्पर्धा गर्न एमालेले ध्रुवकुमार शाहीलाई उम्मेदवार बनाएको छ ।
खड्का स्वच्छ छवि भएको ‘हेभीवेट’ उम्मेदवार भएका कारण पनि सजिलै जीत निकाल्ने विश्लेषण कांग्रेस सुर्खेत जिल्ला समिति सदस्य रहेका प्रचण्ड पोखरेलको छ ।
‘अघिल्लोपटक निर्वाचित सांसदको काम, कांग्रेस उम्मेदवारले राष्ट्रिय राजनीतिमा निर्वाह गर्ने सक्ने भूमिका आदिलाई जनताले मूल्यांकन गरेका छन्’, उनी भन्छन्, ‘अघिल्लोपटक उहाँलाई मत नदिनेहरू अहिले पछुताएको अवस्था छ । यसपटक हाम्रा लागि धेरै अनुकूलता छ ।’
चुनाव जितेपछि राष्ट्रिय राजनीतिमा कुन भूमिका दाबी गर्ने भन्नेबारे खड्काले मुख खोलेका छैनन् । तर, उनका कार्यकर्ताले भने खड्का प्रधानमन्त्रीका दाबेदार भन्दै चुनावी प्रचार गरिरहेका छन् ।
खड्काले प्रधानमन्त्री बन्छु भनेर दाबी नगरे पनि अब मन्त्रीचाहिँ नबन्ने भनेर कार्यकर्ताको दाबीलाई अनौपचारिक पुष्टि भने गरेका छन् ।
यसअघि गृह, उद्योग तथा वाणिज्य, सूचना तथा सञ्चारसहित महत्त्वपूर्ण मन्त्रालयको नेतृत्व गरिसकेकाले अब फेरि मन्त्री नबन्ने उनले चुनावी सभाहरूमा बताउने गरेका छन् ।
उनले घुमाउरो रूपमा प्रधानमन्त्रीको दाबी गरेको रूपमा यसलाई बुझ्नुपर्ने उनका कार्यकर्ताहरूको तर्क छ ।
खड्कासँग दोस्रोपटक प्रतिस्पर्धामा उत्रिएका नेकपा (एमाले)का ध्रुवकुमार शाही जिल्ला कमिटीका अध्यक्ष भइसकेका व्यक्ति हुन् ।
अघिल्लोपटक वाम गठबन्धन (एमाले–माओवादी)को मतमा कांग्रेस उम्मेदवार खड्कालाई उनले ३ हजार २८२ मतले पराजित गरेका थिए ।
गत वैशाखमा सम्पन्न स्थानीय निर्वाचनमा एमालेले पाएको मत र गठबन्धनमा आबद्ध दलहरूले पाएको मतको अन्तर ठूलो छ । सुर्खेत क्षेत्र नम्बर– १ मा गठबन्धन ७ हजार ७९४ मतले एमालेभन्दा अगाडि छ ।
क्षेत्र नम्बर– १ मा पूर्वी सुर्खेतका ५ पालिकासहित वीरेन्द्रनगरका २ वडा पर्दछन् । स्थानीय निर्वाचनमा कांग्रेसले २ र एमालेले ३ पालिका जितेका छन् । वीरेन्द्रनगरका दुईमध्ये एक वडामा एमाले र अर्कोमा कांग्रेसले जितेको छ ।
एमाले उम्मेदवार शाही व्यक्ति ‘हेभीवेट’ हुँदैमा चुनाव नजितिने तर्क गर्छन् । ‘जनताले उहाँको धेरैपटक परीक्षण गरिसकेका छन्, विकास निर्माणका काम उहाँको पालामा भन्दा मेरै पालामा धेरै भएका छन्,’ शाही भन्छन् ।
२०५० सालबाट पार्टी राजनीतिमा आएका शाही २७ वर्षको उमेरमा २०५४ सालको स्थानीय निर्वाचनमा सहारे गाविसको अध्यक्षमा निर्वाचित भएका थिए ।
एमाले सुर्खेतको राजनीतिमा एक पछि अर्को सफलता हात पार्दै आएका उनी अहिले पार्टीको प्रदेश कमिटीमा सचिवालय सदस्य छन् ।
त्यस्तै, सुर्खेत निर्वाचन क्षेत्र नं १ को प्रदेश (१) मा गठबन्धनका तर्फबाट कंग्रेसका जिल्ला सभापति खड्गबहादुर पोखरेल, एमालेका ठम्मर विष्ट तथा प्रदेश २ मा गठबन्धनका तर्फबाट माओवादी केन्द्रका कृष्ण जिसी र एमालेका डण्डीप्रसाद शर्माबीच मुख्य प्रतिस्पर्धा हुँदैछ ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...