धनगढी पुगे प्रधानमन्त्री देउवा

प्रधानमन्त्री एवं नेपाली कांग्रेसका सभापति शेरबहादुर देउवा मंगलवार साँझ धनगढी पुगेका छन् । 

गृहजिल्ला डडेलधुराबाट प्रतिनिधिसभा सदस्यका उम्मेदवार रहेका प्रधानमन्त्री देउवा धनगढीस्थित निजी निवासमा पुगेका हुन् ।

प्रधानमन्त्री देउवाले मंगलवार देशका विभिन्न ठाउँका चुनावी सभालाई सम्बोधन गरेका थिए । उनले बुधवार डडेल्धुरा र बैतडी, बिहीवार अछाम र कञ्चनपुर जिल्लामा हुने चुनावी सभामा सहभागी हुने कार्यक्रम रहेको जिल्ला प्रशासन कार्यालयका सूचना अधिकारी शिवराज जोशीले जानकारी दिए ।

यसअघि प्रधानमन्त्री कात्तिक १७ गते सुदूरपश्चिमका विभिन्न जिल्लामा भएका लोकतान्त्रिक–वाम गठबन्धनका चुनावी सभामा सहभागी भई कात्तिक २४ गते काठमाडौं फर्किएका थिए ।