मंसिर २५, २०८०
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
कात्तिक ३०, २०७९
नेपालका डलर अर्बपति धनाढ्य विनोद चौधरी यसपटक समानुपातिक सांसद बन्ने सजिलो बाटो छाडेर प्रत्यक्ष चुनाव लड्दैछन् ।
मंसिर– ४ गते हुने चुनावमा प्रतिनिधिसभा सदस्य पदका प्रत्यक्षतर्फका उम्मेदवार चौधरी बिहानदेखि साँझ अबेरसम्म मतदाताकोमा पुगिरहेका छन् । किसानका कुरा सुनिरहेका छन्, र आफूले यो क्षेत्रको विकासका लागि केही गर्न खोजेको बताइरहेका छन् ।
नेपाली कांग्रेसको केन्द्रीय सदस्य समेत रहेका चौधरी सत्ता गठबन्धनका तर्फबाट नवलपरासी पश्चिम– १ का साझा उम्मेदवार हुन् । घरदैलोमा पुगेका चौधरीलाई मतदाताले आफ्नो क्षेत्रका समस्या सुनाइरहेका छन् । मञ्चमा भाषणभन्दा पनि जनताका समस्याका कुरा उनले सुनिरहेका छन् ।
चौधरीको उम्मेदवारीले पश्चिम नवलपरासीको चुनावी माहोलमा रौनक थपिरहेको छ ।
२०७० सालको संविधानसभालाई अपवाद मान्दा यो क्षेत्रबाट हाल जनता प्रगतिशील पार्टीका अध्यक्ष समेत रहेका हृदयेश त्रिपाठीले चुनाव जितिरहेका छन् ।
सिन्धु जलेसा बुढाथोकीको उम्मेदवारी एमालेले फिर्ता गरेपछि यसपटक पनि चौधरीसँग त्रिपाठीको प्रतिस्पर्धा हुँदैछ ।
देशव्यापीरूपमा पुराना उम्मेदवारप्रति मतदाताको अरुचिका कारण चौधरीप्रति मतदाता आकर्षित छन् । पश्चिम नवलपरासीका लागि चौधरी नयाँ उम्मेदवार बनेका छन् ।
२०७० सालमा त्रिपाठीलाई पराजित गरेका नेपाली कांग्रेसका उम्मेदवार देवकरणप्रसाद कलवार अहिले चौधरीसँगै चुनाव प्रचारप्रसारमा हिँडिरहेका छन् ।
चौधरीले नवलपरासीमा जबरजस्त चुनावी माहोल सिर्जना गरेका छन् । स्थानीय मतदाता चौधरीको उम्मेदवारीले चुनावी माहोल तताएको बताउँछन् ।
गत स्थानीय तह निर्वाचनको मतका आधारमा चौधरी सुरक्षित छन् । वैशाखमा सम्पन्न स्थानीय तह निर्वाचनको वडा तहको मतका आधारमा यो क्षेत्रमा नेपाली कांग्रेस सबैभन्दा ठूलो दल बनेको थियो ।
कांग्रेसले ३० हजार ३४२ मत पाउँदा एमालेले २६ हजार ७७९ मत पाएको थियो । ६ हजार ६८७ सहित राप्रपा तेस्रो पोजिसनमा रहँदा माओवादीले ५ हजार ३४७ र नेकपा एसले १ हजार १४१ मत पाएका थिए ।
मंगलवार चौधरीको निर्वाचन क्षेत्रमा भएको चुनावी सभामा कांग्रेस सभापति एवं प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’ लगायतले सम्बोधन गरेका थिए ।
चौधरीको पक्षमा भोट माग्न गठबन्धन दलका कार्यकर्ता सक्रिय भएर लागेका छन् ।
‘नेपाली कांग्रेसका कार्यकर्ता उत्साहित छन् । सत्ता साझेदार दलका कार्यकर्ता समेत विनोद चौधरीले यो क्षेत्रको विकासमा आमूल परिवर्तन गर्छन् भनेर प्रचारप्रसारमा हिँडिरहेका छन्,’ नेपाली कांग्रेसका एक जिल्लास्तरीय नेताले भने ।
केराको चिप्स उद्योगदेखि उखुको भुक्तानी दिलाउनेसम्मका एजेन्डा
उद्योगपति चौधरीले पूर्वी नवलपरासीमा उद्योगमार्फत हजारौं रोजगारी सिर्जना गरेका छन् ।
तुलनात्मक रूपमा पूर्वी नवलपरासीमा जस्तो विकास पश्चिममा भएको छैन । विनोद चौधरी चुनाव लड्न लागेको पश्चिम नवलपरासी विकासमा पछाडि देखिन्छ ।
देशको एक सफल उद्योगपति चुनाव लड्न आउँदा राजनीतिक दलमा आस्था नराख्ने स्वतन्त्र मतदाताले समेत यो क्षेत्रमा विकास हुने आशा व्यक्त गरेका छन् ।
प्रतापपुर गाउँपालिका– २ गोपीगञ्जका दूधप्रसाद गुप्ताले नवलपरासीको समग्र विकासको एजेन्डासहित चौधरीले आफ्नो पक्षमा माहोल सिर्जना गर्न सफल भएको बताए ।
‘यो क्षेत्रले एक जनालाई धेरैपटक सांसद बनाइसक्यो, तर केही विकास भएको देख्नुभएको छ ?’ अस्तव्यस्त सडक देखाउँदै गुप्ताले भने, ‘यसपटक हामीले नयाँलाई अवसर दिने सोच बनाएका छौं । नयाँ भनेको विनोद चौधरी हो ।’
गोपीगञ्जमै पसल सञ्चालन गरेर बसिरहेको गुनाखर भुसाल यसपटक पुराना उम्मेदवारले भोट पाउने सम्भावना नरहेको बताउँछन् ।
‘म २५ वर्षदेखि यहीँ छु । केही विकास भएको छैन । बाटो गतिलो नहुँदा साइकल मोटरसाइकल दुर्घटना भइराख्छ । विकास नगर्नेलाई किन जिताउने ?’ भुसालले आक्रोश पोखे ।
प्रख्यात तीर्थस्थल त्रिवेणीधाम जाने बाटो फराकिलो होस् भन्ने स्थानीयको माग छ ।
प्रचुर खेतीयोग्य जमिन भए पनि किसानले आफ्नो उत्पादनको बजार नपाएको गुनासो गरिरहेका छन् ।
प्रतापपुर– ७ जगन्नाथपुराका गीताराम थारू नयाँ उम्मेदवारको खोजीमा विनोद चौधरी विकल्प भएको बताउँछन् ।
‘केराको चिप्स बनाउने उद्योग खोल्ने प्रतिबद्धताले किसानहरू उत्साहित छन् । उहाँले यही क्षेत्रमा कृषि कलेज स्थापनाको कुरा पनि गर्नुभएको छ,’ प्यासीले लोकान्तरसँग भने ।
समयमा भुक्तानी नपाउने किसानहरूको मुख्य समस्या हो । सुनवलमा रहेको लुम्बिनी चिनी कारखानाका कारण यो क्षेत्रका किसान दशकौं पहिलादेखि उखु खेतीमा आकर्षित छन् ।
तर निजी चिनी कारखानाले उखुको मूल्य नदिएपछि किसानहरूले काठमाडौंमा समेत आएर विरोध गरेका थिए ।
चौधरीले उखु किसानलाई समयमै भुक्तानी दिलाउनका लागि पहल गर्ने प्रतिबद्धता जनाएका छन् ।
प्रतापपुर– ४ का बालचन्द्र यादव केराबाट चिप्स, बिस्कुट बनाउने उद्योग ल्याउने कुराले आशावादी बनाएको बताउँछन् ।
‘एक दर्जन केराको न्युनतम ६० रूपैयाँमा खरिद गर्ने गरी प्रतिबद्धता जनाउनुभएको छ । उखुको भुक्तानी दिलाउन पनि पहल गर्ने भन्नुभएको छ,’ यादवले भने ।
बर्दघाट नगरपालिका– १५ का टंकप्रसाद पौडेल यसपटक मतदाताले स्वाद फेर्न खोजेको बताउँछन् ।
‘एउटै व्यक्तिले यहाँ धेरैपटक जिते । मानिसहरूले नयाँलाई हेरौं भनेका छन् । विनोद चौधरीले मतदाता आकर्षित गर्न सफल भएका छन्,’ पौडेलले भने ।
बर्दघाटकै बालकृष्ण बराल विनोद चौधरी चुनाव लड्न आएसँगै यो क्षेत्रको विकास हुने मतदाताको आशा रहेको बताउँछन् ।
‘विनोद चौधरीले सांसद भएर गर्ने विकास सँगसँगै यो क्षेत्रमा उद्योग खोल्ने र रोजगारी सिर्जना गर्ने प्रतिबद्धता जनाउनुभएको छ,’ बरालले भने ।
प्रतापपुर– ४ का राम अज्ञा यसपटक विनोद चौधरीको पक्षमा माहोल बनेको बताउँछन् ।
‘हामीहरूले यहाँबाट एकै व्यक्तिलाई धेरैपटक चुनाव जिताएर पठाएछु । विकास नभएकोमा हामीहरू दुःखी छु । यसपटक नयाँलाई जिताएर पठाउने सोच बनाएको छु,’ अज्ञाले भने ।
बर्दघाट– १३ पनहीका चन्द्रिका थारु यसपटक मतदाताले नयाँ स्वाद चाहिरहेको बताउँछन् ।
सोही ठाउँका सन्तोष हरिजनले पनि यसपटक पुरानाले भोट पाउने सम्भावना नरहेको बताए ।
स्थानीय गीताराम थारु विनोद चौधरी र हृदयेश त्रिपाठीबीचको प्रतिस्पर्धालाई स्थानीय मतदाताहरूले रुचिका साथ हेरिरहेको बताउँछन् ।
‘यसै भन्न सकिन्न, तर चौधरीको पक्षमा माहोल बढेजस्तो देखिन्छ,’ चौधरीले भने ।
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...