नेपाली कांग्रेसका नेता गुल्मी क्षेत्र नम्बर–१ का उम्मेदवार डा. चन्द्रभण्डारीले जनजागृति माविबाट मतदान गरेका छन् । 

गुल्मीको हुँगास्थित जनजागृति माध्यामिक विद्यालयमा रहेको निर्वाचन केन्द्रबाट मतदान गरेको उनले बताए । हुँगा भण्डारीको जन्मभूमि पनि हो । 

गुल्मी क्षेत्र नम्बर–१ मा उनीसँग नेकपा एमालेका उपमहासचिव प्रदीप ज्ञवाली प्रतिस्पर्धामा छन् ।

अघिल्ला निर्वाचनमा पनि गुल्मी–१ मा भण्डारी र ज्ञवाली नै प्रतिस्पर्धा हुने गरेको थियो । २०७४ को चुनावमा पनि ज्ञवाली र भण्डारी नै प्रतिस्पर्धामा थिए । 

त्यसबेला एमाले र माओवादी केन्द्रको गठबन्धन थियो । एमालेका ज्ञवालीले चुनाव जितेका थिए । 

यस पटक भण्डारीलाई सत्तारूढ गठबन्धनको साथ छ । सत्तारूढ गठबन्धनमा कांग्रेस, माओवादी केन्द्र, एकीकृत समाजवादी, राष्ट्रिय जनमोर्चा छन् । त्यसबाहेक लोसपाले पनि गठबन्धनलाई साथ दिएको छ ।