सल्यानमा नेकपा एकीकृत समाजवादीका उम्मेदवार प्रकाश ज्वालाले फराकिलो अग्रता लिएका छन् ।

हालसम्म गणना भएको ५१ हजार ५२५ मतमध्ये सत्ता गठबन्धनका साझा उम्मेदवार ज्वालाले २२ हजार १०४ मत पाएका छन् ।

यो उनका निकट प्रतिस्पर्धी स्वतन्त्र उम्मेदवार राजेन्द्रबहादुर शाह (पुतली चिह्न) भन्दा ९ हजार ११८ मतले बढी हो ।

पछिल्लो मतपरिणाम अनुसार शाहले १२ हजार ९८६ र एमालेका राजेन्द्रवीर रायले ७ हजार ४८९ मत प्राप्त गरेका छन् । आइतवार सम्पन्न मतदानमा प्रतिनिधि सभातर्फ ८४ हजार २२ मत खसेको थियो ।