नेपाली कांग्रेसका उम्मेदवार तथा गृहमन्त्री बालकृष्ण खाँणलाई १ हजार ३२२ मतले पछि पार्दै राष्ट्रिय प्रजातन्त्र पार्टीका उम्मेदवार दीपक बोहराले अग्रता लिएका छन् ।

रुपन्देहीको ३ नम्बर निर्वाचन क्षेत्रमा प्रतिनिधिसभा सदस्य निर्वाचनतर्फ बोहराले अग्रता लिएका हुन् ।

बोहराले ३० हजार ५७७ मत पाउँदा मन्त्री खाँणले २९ हजार २५५ मत पाएका छन् । राष्ट्रिय स्वतन्त्र पार्टीका जितबहादुर गुप्ता तेलीले ५ हजार ४१९ मत पाएका छन् भने नागरिक उन्मुक्ति पार्टीका तुल्सीप्रसाद थारुले १ हजार ७३० मत पाएका छन् ।