नेपाली कांग्रेसका प्रवक्ता डा. प्रकाशरण महतले अर्का नेता डा. शेखर कोइरालाई भेटेर बधाई दिएका छन् । 

बधाई दिएका लागि महत शनिबार विशालनगरस्थित कोइरालाको सचिवालयमा पुगेका थिए ।

महतले कोइरालाई खादा लगाएर लडडु खुवाउँदै निर्वाचन जितेकोमा बधाई दिएका हुन् । 

कोइरालाको सचिवालयमा दुई नेताको भेट भएको कोइरालाई सहयोगी दिनेशचन्द्र थपलियाले जानकारी दिए । 

कोइरालाको मोरङ–६ बाट प्रतिनिधिसभा सदस्यमा निर्वाचित भएका थिए । 

पार्टीमा फरक खेमामा रहेको यी दुई नेताको बधाई साटासाटको तस्वीर सोसल मिडियामा सार्वजनिक गर्दै कांग्रेस कार्यकर्ताहरूले उत्सुकतापूर्वक प्रतिक्रिया व्यक्त गरिरहेका छन् ।

कांग्रेसमा कोइरालाले संस्थापन इतर खेमाको नेतृत्व गर्छन भने डा. महत सभापति शेरबहादुर देउवाका विश्वासपात्र मानिन्छन् । 

मंसिर ४ मा भएको प्रदेश तथा प्रतिनिधिसभाको चुनावमा महत प्रत्यक्ष चुनाव नलडेर समानुपातिकतर्फको उम्मेदवार बनेका छन् ।