पोखरा अन्तर्राष्ट्रिय विमानस्थलको आइतवार औपचारिक रूपमा उद्घाटन भएको छ । प्रधानमन्त्री पुष्पकमल दाहाल प्रचण्डले विमानस्थलकाे उद्घाटन गरेका छन् । यो विमानस्थलबाट आज (आइतवार)देखि उडान शुरु भएसँगै पोखरेलीको ४७ वर्षको सपना पूरा भएको छ । 

आन्तरिक उडानका बुद्ध, यति, सौर्य, समिट, श्रीसहितका जहाजले काठमाडौंबाट पोखरा उडान शुरू गरेसँगै यो विमानस्थल आजबाट औपचारिक रूपमा चाुल भएको छ । 

पोखराका मेयर धनराज अर्चायले यो विमानस्थल शुरुवात भएको खुशीमा सार्वजनिक बिदा दिएको बताए । ‘अहिले विमानस्थल पूरा भएर आन्तरिक उडान भएको छ अब अन्तर्राष्ट्रिय उडान पनि शुरु हुन्छ’, मेयर आचार्यले भने ।