सात दलीय सत्ता साझेदार दलबीच प्रदेश सभामुख र उपसभामुखमा भागबण्डा मोटामोटी रुपमा मिलेको छ । मुख्यमन्त्रीमा भागबण्डा मिलाएको आधारमा दलहरुबीच सभामुख र उपसभामुखको पनि भागबण्डा गरिएको बालुवाटार स्रोतले जनाएको छ । 
जसअनुसार नेकपा माओवादी केन्द्रले ४ वटा प्रदेशसभाको सभामुख पाउने पाउँदा एमाले २ र राप्रपाले १ सभामुख पाउने समझदारी जुटेको छ ।  सोमबार बसेको बैठकमा भएको सहमतिअनुसार प्रदेश १ मा माओवादी केन्द्रको सभामुख र एमालेको उपसभामुख पाउने सहमति भएको छ । 

यस्तै राप्रपाले बागमती प्रदेशमा  सभामुख र एमाले उपसभामुख प्राप्त गर्दा गण्डकी प्रदेशसभा सभामुख माओवादी केन्द्र र उपसभामुख एमालेले प्राप्त सहमति जुटेको छ ।  लुम्बिनीमा सभामुख माओवादी केन्द्र र उपसमाभुख राप्रपाले प्राप्त गर्ने बालुवाटार स्रोतको भनाइ छ । 

यस्तै कर्णाली प्रदेशमा एमालेले सभामुख र माओवादी केन्द्रको भागमा उपसभामुख पर्दा सुदूरपश्चिममा माओवादी केन्द्रले सभामुख प्राप्त गर्ने छ । यसैगरी नागरिक उन्मुक्ति पार्टीलाई उपसभामुख दिने प्रस्ताव गरिएपनि उसले चित्त बुझाएको छैन । सो प्रदेशमा नागरिक उन्मुक्ति पार्टीले मुख्यमन्त्री नै दाबी गरेको छ । 
यसैबीच एमालेले एमालेले मधेश सभामुख पाउने भएको छ भने उपसभामुख जनमत पार्टीले लिने समझदारी भएको छ । उक्त समझदारीअनुसार गठबन्धनमा अघि बढ्ने तय भएकाे छ ।