×

विकल्पबिना दरबारमार्गमा पार्किङ निषेध, व्यापारी भन्छन्, 'हाम्रो लाखौँ नोक्सानी भइरहेको छ' [भिडियो रिपोर्ट]

पुस २७, २०७९

काठमाडौं महानगरपालिकाले गत मंगलबारदेखि काठमाडौँ स्थित दरबारमार्गको सडकछेउमा पार्किङ निषेध गरेको छ ।

सडकमा जथाभावी सवारीसाधन पार्किङ गराउँदा ट्राफिक जाम बढ्नुका साथै शहरको सुन्दर पक्ष नै हराएको भन्दै सडक खाली गराएको हो । विकल्पबिना दरबारमार्ग क्षेत्रमा पार्किङ निषेध गर्दा व्यवसायीहरूले भने आफू मारमा परेको गुनासो गर्न थालेका छन् ।  


Advertisment

यस क्षेत्रमा पार्किङमा रोक लगाएपछि दैनिक आउने ग्राहकको संख्या ५० प्रतिशतले घटेको दरबारमार्गका एक व्यवसायीले बताए । यसैबीच, यात्रुहरू यस क्षेत्रमा आउँदा पार्किङको विकल्पहरू खोज्न बाध्य भएका छन्।


Advertisment

दरबारमार्गस्थित पूमा स्टोरका स्टोर म्यानेजर बिष्णु भट्टराईले भने, 'दुई चार किलोमिटर पर गाडी पार्किङ गरेर हाम्रो स्टोरमा कुन ग्राहक हिँडेर आउन रुचाउनुहुन्छ र?' उनले प्रति प्रश्न गर्दै भने, 'महँगो भाँडा तिरेर स्टोर राखेका छौं तर ग्राहक नै नआएपछि हाम्रो व्यवसाय कसरी चल्छ ? या त कतै विकल्प दिएर अनि बल्ल पार्किङ निषेध गर्नुपर्थ्यो ?'

'यस क्षेत्रको पार्किंङले ट्राफिक जाम र सुन्दरतालाई कुनै असर पारेको थिएन,' उनले रिस पोखे।

त्यस्तै द मिलानोका स्टोर म्यानेजर इमरान एहेमदले भने, 'यस क्षेत्रको ग्राहक भनेको लक्जरीयस हुन्छन्, एकातिर गाडी पार्किंङ गरेर हिँडेर हाम्रो पसलसम्म धाएर आउन रुचाउँदैनन्, त्यसैले यहाँ पार्किंग निषेध गरेर हाम्रो व्यापारलाई धेरै नोक्सानी पुगेको छ।'

यता महानगरका प्रहरी राजन श्रेष्ठ भने पार्किङ निषेध गरेपछि यस क्षेत्र निकै सुन्दर देखिएको दाबी गर्छन्। 'पहिला धेरै अव्यवस्थित थियो। पान, गुट्खा खाएर खोल यहीँ फ्याकेर हिँड्थे। अहिले त्यो छैन। एकदम व्यवस्थित भएको छ। जनताहरुले पनि हामीलाई आएर राम्रो प्रतिक्रिया दिइरहेकाछन्। उनीहरु खुसी छन्,' श्रेष्ठले भने।

प्रायः दरबारमार्ग ओहोरदोहोर गरिरहने प्रदीप नाम बताउने एक सवारी चालकले भने महानगरपालिकाको यस्तो कार्यको प्रशंसा गरे।

भने, 'हामीलाई त बाहिर सडकमा पार्किङ गर्दा पनि शुल्क तिर्नुपर्थ्यो , अहिले अन्नपूर्ण होटलमा पार्किङ गर्दा पनि शुल्क तिर्ने नै हो, खासै कुनै फरक पारेको छैन। त्यसैले महानगरपालिकाले सडकमा पार्किङ निषेध गरेको राम्रै लागेको छ,' उनले भने। 

त्यस्तै काम विशेषले दरबारमार्ग आएका सुनिल प्रजापतीले भने, 'पहिला पार्किङ गर्न सजिलो थियो, तर अहिले त कता राख्ने कुनै टुंगो नै भएन, यसरी त मेरो गाडीको सुरक्षा नै भएन। महानगरपालिकाले विकल्प दिएर मात्र पार्किंग निषेध गरेको भए राम्रो हुन्थ्यो।'

बाँकी भिडियोमा  

 

माघ ४, २०७४

  काठमाडौं ४ - माघ तीनकुनेमा रहेको करिब ५० रोपनी खाली जग्गामा आधुनिक पार्कसहित विश्वको ठूलो मुर्ति बनाउने योजना महानगरले ल्याएपछि राजधानीबासी उत्साही भएका थिए । तर उक्त योजना अनुसार काम अघि बढेक...

भदौ २७, २०८०

सुन तस्करी सम्बन्धमा कर्मचारीमाथि धरपकड शुरू गरिएको भन्दै त्रिभुवन अन्तर्राष्ट्रिय विमानस्थल भन्सार कार्यालयका कर्मचारीले काम ठप्प पारेका छन् । साउन २ गते समातिएको ६० किलो सुन तस्करीको अनुसन्धानका क्रममा भन्सारका क...

असार ५, २०७८

मेलम्ची बजारभन्दा २ किलोमिटर माथि टिम्बु हल्देमा रहेको हेलम्बु ट्राउट रिसर्च सेन्टरमा सञ्चालक ज्ञानेन्द्र कक्षपति र मेलम्ची नगरपालिका–११ बिसमुरेका नारायण चालिसेसहित १५ जना कामदार ट्राउट माछा ठूलो खोलाबाट सा...

मंसिर २, २०७५

काठमाडौं – कमलादिको गणेश मन्दिर छेउमै जमराको जुस बनाउँदै थिइन् डोल्मा गुरुङ । गोरखाकी डोल्माको दिनचर्या जमराको जुस बनाउँदैमा बित्छ । त्यसबाट उनले दैनिक १४–१५ सय रुपैयाँ कमाउँछिन् । बिहान ५ बजे...

जेठ १२, २०७७

कालापानी, लिपुलेक र लिम्पियाधुरा समेटेर सरकारले नक्सा जारी गरेपछि नेपाल र भारत दुवैतर्फबाट ‘प्रमाण जुटाउने युद्ध’ छेडिएको छ । नेपालका तर्फबाट कतिपय प्रमाणहरू मिडियामा छताछुल्ल भएपछि भारतले त्...

साउन ७, २०७९

लगनखेल बसपार्क नजिकको पाटन अस्पताल छेउमा रहेको कर्मचारी सञ्चय कोष भवनको चौथो तल्लामा अवस्थित ‘रुट केनल सेन्टर’मा पुग्दा अनौठो दृश्य देखियो । एक व्यक्ति दाँत दुखेर उपचार गराउन आएका थिए । उनको सा...

को होला त्यो ?

को होला त्यो ?

असार ८, २०८१

जीवन बनायो कसले, जगत् बसायो कसले ? अनि यिनलाई चलायो कसले, बोलायो कसले ? तर्क आ–आफ्नै हुन्छन्, हुन सक्छन् । कसैले केही भन्लान्, कसैले केही । वेद भन्छ– ‘एकं सद् विप्रा बहुधा वदन्ति ।’ अर्था...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

x