प्रदेश १ का मुख्यमन्त्री हिक्मतकुमार कार्कीले शुक्रबार विश्वासको मत लिने तय भएको छ । कुल ९३ मध्ये उनी गत पुस २४ गते नेकपा एमाले, नेकपा माओवादी केन्द्र, राप्रपा र जसपाका ६० सांसदको समर्थन लिएर मुख्यमन्त्रीमा नियुक्त भएका थिए । 

प्रदेशसभाको बैठक आज दिउँसो १ बजेका लागि तय भएको छ । उक्त बैठकमा मुख्यमन्त्री कार्कीले प्रदेशसभामा विश्वासको मतका लागि प्रस्ताव पेश गर्ने कार्यसूची छ । मुख्यमन्त्रीमा नियुक्ति भएसँगै कार्कीले सानो आकारको मन्त्रीमण्डलसमेत विस्तार गरिसकेका छन् ।