कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
विराटनगरको कोशी अस्पतालमा उपचार गर्न ल्याएका बच्चालाई डाक्टरले मृत घोषणा गरेपछि विवाद भएको छ ।
अस्पतालको आकस्मिक कक्षमा कार्यरत मेडिकल अफिसर डा. आकाश यादवले बिरामी भएर उपचार गर्न ल्याएका नवजात शिशुलाई मृत घोषणा गरिदिएपछि विवाद भएको होे ।
श्वासप्रश्वासमा समस्या भएपछि कोशी ल्याएको १८ दिनको जीवित नवजात शिशुलाई डाक्टर यादवले मृत घोषणा गरेका थिए ।
मोरङको जहदा गाउँपालिका–३ भात्तिगन्जकी उमा मुखियाले कोशी अस्पतालमा पुस १७ गते छोरीलाई जन्म दिएकी थिइन् । नवजात शिशुको तौल १ किलो ४०० ग्राम थियो । केही दिनपछि बच्चासहित उनी माइतमा बस्दै आएकी थिइन् । उनका पति दिलीप मुखिया एम्बुलेन्स चालक हुन् । दिलिप विराटनगरमै एम्बुलेन्स चलाउँछन् ।
बुधवार श्वासप्रश्वासमा समस्या देखिएपछि मुखिया दम्पतीले बिहान ८ बजे छोरीलाई कोशी अस्पतालको आकस्मिक कक्षमा लिएर आएका थिए । उनीहरूले बच्चा लिएर आउँदा डा. आकाश यादवसहित अहेबहरू लक्ष्मण माझी र टीका भण्डारी आकस्मिक कक्षमा थिए । आकस्मिक कक्षमा चिकित्सक यादवले नवजात शिशुको स्वास्थ्य जाँच गरेका थिए । छोरीको स्वास्थ्य परीक्षण गरेपछि डाक्टरले मरिसकेको भनेर भनेको दिलीप मुखियाले बताए ।
‘डाक्टरले भनेको सुनेपछि श्रीमती उमा र आफन्तहरूको आकस्मिक कक्ष बाहिर रुवाबासी गरिरहेका थिए,’ उनले भने, ‘तर बच्चा बाहिर लिएर निस्किँदा बच्चाको शरीर चल्यो ।’
छोरीलाई बोकेर बाहिर निस्किँदा छोरीले हातखुट्टा हल्लाएको उनले बताए । जिउँदो छोरीलाई डाक्टरको लापरबाहीले मृत भनिदिएको उनको भनाई छ । बिरामीको उपचारमा लापरबाही गर्ने चिकित्सकलाई कडा कारबाही गर्न समेत उनले माग गरेका छन् ।
छोरीको उपचार गोल्डेन अस्पतालमा भइरहेको दिलिपले बताए । छोरीलाई एनआईसीयूमा राखेर उपचार शुरू गरिएको उनले बताए ।
उपचारमा लापरबाही गरेको भन्दै बालिकाका अभिभावकले डाक्टरमाथि कुटपिट गरेका छन् । नवजात शिशुका आफन्तले डा. यादवलाई कुटपिट गरेका हुन् । जिउँदै बच्चालाई मृत घोषणा गरेको भन्दै आक्रोशित भएका आफन्तले यादवमाथि कुटपिट गरेका छन् । कुटपिटबाट डा. यादवको टाउकोमा चोट लागेको छ ।
चिकित्सकमाथि आक्रमण गर्ने ३ जनालाई प्रहरीले नियन्त्रणमा लिएको छ । प्रहरीले मनोज मुखिया, मन्नु मुखिया र अर्काे १ जना नाम नखुलेको व्यक्तिलाई नियन्त्रणमा लिएको दिलीप मुखियाले बताए । कोशी अस्पतालबाट नियन्त्रणमा लिएर प्रहरीले उनीहरूलाई जिल्ला प्रहरी कार्यालय मोरङमा राखेको बताइएको छ ।
अहिले नवजात शिशुका आफन्त र हस्पिटल प्रशासनबीच छलफल चलिरहेको छ । कोशी अस्पतालका मेसु डा. लक्ष्मीनारायण यादवले घटनाका विषयमा बुझ्ने काम भइरहेको बताए ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...