त्रिभुवन अन्तर्राष्ट्रिय विमानस्थलको आन्तरिक टर्मिनल तर्फको व्यवस्थापन शाखा प्रमुख नवौं तहका पूर्णप्रसाद चुडाललाई अख्तियार दुरुपयोग अनुसन्धान आयोगको टोलीले पक्राउ गरेको छ ।

शाखा प्रमुख चुडाललाई घुस लिएको अवस्थामा नियन्त्रणमा लिइएको अख्तियारका प्रवक्ता श्यामप्रसाद भण्डारीले लोकान्तरलाई जानकारी दिए ।

यात्रुहरूलाई यात्रा सहज बनाइदिने भनेर सेवाग्राहीबाट घुस लिएको अवस्थामा अख्तियारको टोलीले उनलाई रंगेहात पक्राउ गरेको हो।

अख्तियार स्रोतका अनुसार उनको साथबाट घुस वापतको १ लाख ५० हजार र स्रोत नखुलेको थप ८ लाख रुपैयाँ बरामद भएको छ ।  उनलाई नियन्त्रणमा लिएर थप अनुसन्धान सुरु गरिएको अख्तियारले जनाएको छ । 

थप

विमानस्थलका व्यवस्थापन शाखा प्रमुख पक्राउ प्रकरणः घुस र स्रोत नखुलेको थप ८ लाख बरामद