संसदमा गृहमन्त्रीको गुनासो– सीडीओ र एसपी आफ्नो चाहिने भए प्रणाली सुधार कहिले ?

राष्ट्रिय स्वतन्त्र पार्टीका सभापति एवं गृहमन्त्री रवि लामिछानेले गृह प्रशासन संचालनमा असहयोग भएको गुनासो गरेका छन् ।

उनले संसदमा भइरहेको कर्मकाण्डी छलफलप्रति आफ्नो रुची नभएको बताए ।  

मंगलवार प्रतिनिधि सभा बैठकमा नवनिर्वाचित सभामुख र उपसभामुखलाइ बधाई दिने क्रममा गृहमन्त्री लामिछानेले राज्य प्रणालीमा सुधार गर्न असहयोग भएको बताएका हुन् ।

‘राज्यका संयन्त्रलाई थिलोथिलो पारिएको छ, राज्यका संरचनामा सुधार जरुरी छ, गृह मन्त्रालय प्रणाली सुधारमा लागेको छु’, लामिछानेले भने, ‘सीडीओ, एसपी आफ्नो चाहिएको छ, आफ्नो मान्छे चाहिएको भए प्रणाली सुधारमा के हो ?’

लामिछानेले संसदमा कसैलाई अपमान र क्षणखानी गरिएको भन्दै आपत्ति जनाए । ‘क्रसरको विषय होस या फरार सांसद या नागरिक अधिकारकर्मीको पक्षमा होस केही दिनमा निर्णय हुन्छ’, उनले भने ।

संसदको बैठकमा फरार सांसद लक्ष्मी महतो कोइरीलाई पक्राउ नगरिएको भन्दै कांग्रेस सांसदले कुरा उठाइरहेका थिए ।