देशभर पश्चिमी वायुको आंशिक प्रभाव बाँकी रहेकाले देशको पहाडी भूभागमा आंशिक बदली कायमै रहने जल तथा मौसम विज्ञान विभागले जनाएको छ । तराईमा विहानीको समय हुस्सु कुहिरो लाग्नेक्रम जारी रहने छ । 

विभागका अनुसार पहाडी भूभागमा सामान्य बदली रहे पनि बाँकी भूभागमा मौसम सफा रहने छ । आज दिउँसो कर्णाली र सुदूरपश्चिम प्रदेशको पहाडी भूभागमा बदली रहने विभागको भनाइ छ । राति प्रदेश १, गण्डकी र बागमती प्रदेशमा सामान्य बदली रहनेछ ।

सोहीअनुसार भोलि २० गते शुक्रबार पनि पहाडी भूभागमा सामान्य बदली रही बाँकी भूभागमा मौसम सफा रहने छ । सो राति प्रदेश १, बागमती र गण्डकी प्रदेशको भूभागमा आंशिक बदली कायमै रहने छ । 

त्यस्तै, माघ २१ गते शनिबार पनि प्रदेश १, गण्डकी प्रदेशको पहाडी भूभागमा सामान्य बदली रहने छ विभागले जनाएको छ । बाँकी भूभागमा मौसम सफा रहने छ । तराईमा केही ठाउँमा हुस्सु लाग्नेहुनाले जनजीवन प्रभावित रहनेछ । अझ साँझ र विहान चिसो कायमै रहेकाले त्यसबाट बच्न सतर्कता अपनाउन विभागले आग्रह गरेको छ ।