नेकपा माओवादी केन्द्रले आगामी माघ २६ देखि दुई महिने पार्टी सुदृढीकरण कार्यक्रम सञ्चालन गर्ने भएको छ ।  शनिबार बसेको माओवादी केन्द्रको स्थायी कमिटी बैठकले पार्टी सुदृढीकरण कार्यक्रम तय गरेको हो । 

माओवादी प्रवक्ता कृष्णबहादुर महराका अनुसार २६ माघ देखि ५ फागुन प्रदेश समन्वय समिति इन्चार्जको नेतृत्वमा प्रदेश पदाधिकारीहरूको बैठक बस्ने छ । 
सो बैठकले स्थानीय तहसम्मको फिल्डको जिम्मेवारी तय गरेर पार्टीलाई सशक्त बनाउन कार्यक्रम चलाउनेछ ।