राष्ट्रिय स्वतन्त्र पार्टी (रास्वपा) बाट सरकारमा सहभागी मन्त्रीहरूले प्रधानमन्त्री पुष्पकमल दाहाल ‘प्रचण्ड’लाई सरकारी निवास बालुवाटारमा भेटेर राजीनामा बुझाएका छन् ।

गृह मन्त्रालय नपाउँदा रास्वपा सरकार छाड्ने निर्णयमा पुगेपछि मन्त्रीहरूले आइतवार साँझ राजीनामा दिएका हुन् ।

मन्त्रिपरिषद्मा रहेका श्रम, रोजगार तथा सामाजिक सुरक्षा मन्त्री डोलप्रसाद अर्याल, शिक्षा, विज्ञान तथा प्रविधि मन्त्री शिशिर खनाल र स्वास्थ्य तथा जनसंख्या राज्यमन्त्री तोसिमा कार्कीले प्रचण्डलाई भेटेर मन्त्री पदबाट राजीनामा बुझाएका छन् ।