काठमाडौँ । प्रधानमन्त्री प्रचण्डलाई आइतबार राजीनामा बुझाएका मन्त्रीहरूले सोमबार पत्रकार सम्मेलन गर्ने भएका छन् ।  आइतबार पार्टीको निर्णयअनुसार रास्वपाका मन्त्रीहरूले बालुवाटारमा पुगेर प्रचण्डलाई राजीनामा बुझाएका थिए । राजीनामा दिनेमा रास्वपाको तर्फबाट मन्त्रिपरिषदमा रहेका श्रम, रोजगार तथा सामाजिक सुरक्षा मन्त्री डोलप्रसाद अर्याल, शिक्षा, विज्ञान तथा प्रविधि मन्त्री शिशिर खनाल र स्वास्थ्य तथा जनसङ्ख्या राज्यमन्त्री तोसिमा कार्की राजीनामा रहेका छन् । 

रास्वपाले आइतबार नै सरकारबाट बाहिरिने निर्णय गरेको थियो भने सरकारलाई दिँदै आएको समर्थन भने कायमै रहने बताएको छ ।  ३ नै जनाले संयुक्त रुपमा सोमबार दिउँसो पार्टी केन्द्रीय कार्यालयमा पत्रकार सम्मेलन गर्ने जनाइएको छ ।