मधेस प्रदेशका मुख्यमन्त्री सरोजकुमार यादवले अहिलेको संघीयता कसैले दिएको भिख नभएको बताएका छन्।

सोमवार जनयुद्ध दिवसको अवसरमा मधेस प्रदेशले आयोजना गरेको कार्यक्रमलाई सम्बोधन गर्दै उनले अहिलेको संघीयता आम नागरिकले लडेर ल्याएको बताए।

स्थानीय निर्वाचनमा जितेका र प्रदेश र प्रतिनिधि सभामा निर्वाचन जितेका केही सांसदले संघीयता चाहिँदैन भनिरहेको भन्दै संघीयता उनीहरु कसैले दिएको भिख नभएको उनले जिकिर गरे।

मधेस प्रदेशका नागरिक रहेसम्म संघीयता रहिरहने उनले दाबी गरे।

प्रधानमन्त्री पुष्पकमल दाहालले इमानदारीसाथ प्रहरी समायोजन र निजामती ऐन लगायतका कानूनहरु पास गर्नेमा विश्वस्त रहेको बताए।

जनयुद्ध दिवसको अवसरमा मधेस प्रदेश सरकारले ५४० जना शहीद परिवारलाई एक लाख रुपौयाँका दरले रकम हस्तान्तरण गरेको छ ।