बुधबार राति खाना बनाउने ग्यास सिलिण्डर विस्फोटमा परी घाइते भएका नेपाली कांग्रेसका नेता तथा सांसद चन्द्र भण्डारीलाई थप उपचारका लागि भारतको मुम्बई लैजाने तयारी गरिएको छ। 

घाइते भण्डारीलाई श्री एयरलाइन्सको एयर एम्बुलेन्समार्फत मुम्बईस्थित नेशनल स्किन बर्न सेन्टरमा उपचारका लागि लगिन लागिएको कांग्रेसका युवा नेता मोती भण्डारीले जानकारी दिए। 

उनको नेपालमा यथोचित उपचार सम्भव नभएपछि त्यसतर्फ लैजान लागिएको हो ।

उक्त घटनामा उनकी आमा हरिकला भण्डारीको भने निधन भएको छ। 

हिजो राति घाइते भएका नेता डा भण्डारीको कीर्तिपुरस्थित कीर्तिपुर बर्न अस्पतालमा उपचार भएको थियो। तर चिकित्सकहरूले नेपालमा थप उपचारमा सम्भवन नभएको भन्दै भारत रेफर गरेका हुन्।