ग्यास सिलिण्डरमा परी घाइते भएका नेता तथा सांसद चन्द्र भण्डारीलाई थप उपचारका लागि भारतस्थित मुम्बई लगिएको छ। 

मुम्बईको नेशनल बर्न अस्पतालमा उनको उपचार हुनेछ।

आज बिहीबार दिउँसो कीर्तिपुरस्थित अस्पतालबाट एम्बुलेन्समा राखेर उनलाई विमानस्थल लगिएको हो। 

श्रीएअरको विमानमार्फत उनलाई मुम्बई लगिएको हो। भण्डारीसँगै ६ जना चिकित्सकीय टोली पनि त्यसतर्फ जाने छन्। जसमा ३ जना डाक्टर र ३ जना पारामेडिक्स छन् ।

हिजो राति घाइते भएका नेता डा भण्डारीको कीर्तिपुरस्थित कीर्तिपुर बर्न अस्पतालमा उपचार भएको थियो। तर चिकित्सकहरूले नेपालमा थप उपचारमा सम्भवन नभएको भन्दै भारत रेफर गरेका हुन्। 

उक्त घटनामा उनकी आमा हरिकला भण्डारीको भने निधन भएको छ।