आईएमई पे र क्युएफएक्स सिनेमाजबीच आईएमई 'पे डे एट क्युएफएक्स' अफरको सम्झौता भएको छ ।

यस अफरअन्तर्गत ग्राहकहरूले क्युएफएक्स सिनेमाजको वेबसाइट र एप्लिकेसनबाट आईएमई पे रोजी बुधबारको दिन फिल्म टिकटको भुक्तानी गर्दा ५० रुपैयाँ फ्ल्याट क्यासब्याक हरेक हप्ता प्राप्त गर्न सक्नेछन्। 

यो अफर अवधिभरको हरेक बुधबारको खरिदमा मात्र लागु हुनेछ ।

अफरका लागि निर्दिष्ट गरिएका शर्तअनुसार प्रयोगकर्ताले एक दिनमा एक पल्ट मात्र यो अफर अन्तर्गतको लाभ प्राप्त गर्न सक्नेछन्। 

त्यसपछि प्रयोगकर्ताहरुले पुनः अर्को बुधबार मात्र सो अफरको फाइदा उठाउन सक्नुहुनेछ ।

साथै आगामी  दिन लाइभ भएको टिकट पनि बुधबारका दिन खरिद गर्दा ग्राहकले सो छुट पाउनेछन्। 

​यो अफर क्युएफएक्स सिनेमाजको ११ वटा हलहरुमा लागु भएको छ ।

मंगलबार राजधानी काठमाडौंमा आयोजित सम्झौता आदानप्रदान कार्यक्रममा आईएमई पेका प्रमुख व्यापार अधिकृत आमोद भट्टराईले सो अफर डिजिटल भुक्तानी माध्यममा प्रोत्साहन दिन उचित कदम हुने धारणा पनि व्यक्त गरे।

त्यस्तै, क्युएफएक्स सिनेमाजका व्यापार विकास प्रमुख तृप्ती गिरीले आईएमई पेसँग आवद्ध भई यो अफरमार्फत मुभी प्रेमीहरुलाई सहज हुने र अझ बढी ग्राहकहरू आकर्षित हुने विश्वास व्यक्त गरे।