मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
लोकतान्त्रिक समाजवादी पार्टीका शीर्ष नेताहरू अध्यक्ष महन्थ ठाकुरलाई राष्ट्रपतिमा समर्थन माग गर्दै कांग्रेस सभापति शेरबहादुर देउवालाई भेट गरेका छन् ।
देउवाको धुम्बाराहीस्थित निवासमा भेटका लागि अध्यक्ष महन्थ ठाकुर, नेताहरू राजेन्द्र महतो, शरतसिंह भण्डारी, अनिल झा सहितका नेता पुगेका थिए ।
कांग्रेसबाट सभापति देउवा र उपसभापति पूर्णबहादुर खड्का सहभागी भएका थिए ।
छलफलमा सहभागी कांग्रेस उपसभापति पूर्णबहादुर खड्काले लोसपाले राष्ट्रपतिमा महन्थ ठाकुरलाई समर्थन गर्न आग्रह गरेको जानकारी दिए ।
‘महन्थ ठाकुरलाई राष्ट्रपतिको उम्मेदवारमा अघि बढाउने निर्णय गर्यौं । अरु पार्टीसँग पनि भेट गरिसक्यौं भनेर लोसपाका नेताहरू कांग्रेसँगको छलफलमा आउनुभएको थियो,’ खड्काले लोकान्तरसँग भने, ‘हामीले पार्टीको बैठकले सल्लाह गरेर एउटा टुंगोमा पुग्छौं भन्ने जवाफ दिएका छौं ।’
कांग्रेस आफैंले राष्ट्रपतिमा उम्मेदवारी दिने घोषणा यसअघि नै गरिसकेको भन्दै खड्काले पार्टीले बैठक गरेर उम्मेदवार घोषणा गर्ने जानकारी दिए ।
‘हामीले यसअघि नै सार्वजनिक रूपमा राष्ट्रपतिमा उम्मेदवारी दिने घोषणा गरिसकेका छौं,’ खड्काले भने, ‘पदाधिकारी वा केन्द्रीय कार्यसम्पादन समितिको बैठक गरेर केही दिनमा हाम्रो उम्मेदवार सार्वजनिक गर्छौं ।’
राष्ट्रपति निर्वाचनका लागि फागुन १३ गते उम्मेदवारी मनोनयन गर्ने तालिका छ । मनोनयनको १ दिनअघि मात्रै कांग्रेसले उम्मेदवार तय गर्ने जानकारी उनले दिए ।
भेटमा सहभागी भएका नेता अनिल झाले आफूहरूको आग्रहमा कांग्रेस सभापतिले पार्टीमा सरसल्लाह गरेर जवाफ दिने बताएको जानकारी दिए ।
‘हामीले हाम्रो अध्यक्ष महन्थ ठाकुरलाई राष्ट्रपतिमा जिताउन सहयोग गर्नुस् भनेर भेटेरै आग्रह गरेका छौं,’ झाले लोकान्तरसँग भने, ‘उहाँले पार्टीमा आवश्यक सरसल्लाह गरेर एउटा टुंगोमा पुग्छौं भन्नुभएको छ ।’
भेटका क्रममा देउवाले महन्थ सहमति गर्नका लागि उपयुक्त पात्र भएको बताए पनि कांग्रेसको पनि दाबी रहने बताएका थिए ।
‘हामी आफैं पनि राष्ट्रपतिका लागि दाबेदार पार्टी हो तर हामीले उम्मेदवार अगाडि सारिसकेका छैनौं,’ देउवाको भनाइ उदृत गर्दै झाले भने, ‘सहमति जुटाउनका लागि महन्थजी राम्रो पात्र हो । हामी आफैं पनि दाबेदार रहेकाले पात्र अगाडि सारिसकेका छैनौं, हामी छलफलमै छौं ।’
नेता झाका अनुसार देउवाले लोसपा र कांग्रेस एउटै मोर्चामा रहेको भन्दै सहमतिको वातावरण बनाएर अगाडि जानुपर्ने बताएका थिए ।
पछिल्लो समय राष्ट्रपतिको विषय पेचिलो बन्दै गएको छ । यसैले यस्ता भेट नियमित भइरहेका छन् । लोसपाले यसअघि प्रधानमन्त्री पुष्पकमल दाहाल ‘प्रचण्ड’लाई भेटेर पनि राष्ट्रपतिमा ठाकुरलाई समर्थन गरेर जान आग्रह गरेको थियो ।
यसअघि अध्यक्ष ठाकुरसहितका नेताले एमाले अध्यक्ष केपी शर्मा ओलीसँग पनि भेट गरिसकेका छन् । ठाकुर राष्ट्रपतिको उम्मेदवार भए जसपा, लोसपा, जनमत र नागरिक उन्मुक्ति पार्टीले पनि समर्थन गर्ने बुझाइ कांग्रेस, एमाले, माओवादी सबै दलमा छ । यसैले यी दललाई मिलाउन ठूला दल नै पहलकदमी लिइरहेका छन् ।
राष्ट्रपतिमा अहिलेसम्म कांग्रेस, एमाले र लोसपाले दाबी गरेका छन् । माओवादीसँग राष्ट्रपति चुनावको नतिजालाई जता पनि पल्टाउन सक्ने निर्णायक मत रहेको छ ।
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...