सुदर्शन थापा निर्देशित नेपाली चलचित्र ‘प्रसाद–२’ चैत २४ गतेबाट प्रदर्शनमा आउने भएको छ ।

निर्माण टिमले शुक्रवार चलचित्रको ट्रेलर सार्वजनिक गर्दै नयाँ प्रदर्शन मिति घोषणा गरेको हो ।

चलचित्रमा विपीन कार्की, केकी अधिकारी, अर्पण थापा, महेश त्रिपाठीलगायतका कलाकारहरू मुख्य भूमिकामा छन् ।

अन्तरजातीय प्रेम, कथित ठूला जातिको दमन र त्यसले सिर्जना गर्ने अवस्था सार्वजनिक ट्रेलरमा देखाइएको छ । 

‘माया भन्दा ठूलो नै के छ र...’ स्लोगन राखिएको चलचित्रको निर्माता सुदर्शन बस्नेत हुन् ।

सुभाष थापा प्रस्तुतकर्ता रहेको चलचित्रको कथा सञ्चारकर्मी सुशील पौडेलले लेखेका हुन् ।