ए डिभिजन लिग फुटबलका खेलहरू महिलाले निःशुल्क हेर्न पाउने भएका छन् ।  मार्च ८ का दिन मनाइने अन्तराष्ट्रिय नारी दिवसको अवसरमा साधारण प्याराफिटतर्फ बुधबार खेलहरु निशुल्क रुपमा हेर्न पाउने व्यवस्था मिलाइएको आयोजकको भनाइ छ । 

एन्फाका अनुसार बुधबार च्यासलमा १ र दशरथ रंगशालामा २ गरि ३ खेल हुनेछन् । २ः३० बजे च्यासलमा नेपाल एपिएफ र सातदोबाटोको खेल हुनेछ । यस्तै दशरथ रंगशालामा २ः३० मा नेपाल पुलिस क्लब विरुद्ध हिमालयन शेर्पा र साझ ५ः३० बजे मनाङ मस्याङ्दी र संकटा क्लबबीच खेल हुनेछ ।