उत्तरी वेस्ट बैङ्क शहर नाब्लस नजिकै इजरायली सेनासँगको गोली हानाहानमा आइतबार तीन जना प्यालेस्टाइनीको मृत्यु भएको छ।
इजरायली सेनाले विज्ञप्ति जारी गरी नाब्लस नजिकै इजरायली सेनामाथि गोली चलाएपछि तीन प्यालेस्टाइनी बन्दुकधारीलाई गोली हानी मारिएको  बताएको छ ।  

साथै अर्का प्यालेस्टाइनी लडाकुलाई उसले आत्मसमर्पण गरेपछि पक्राउ गरिएको बताइएको छ । 
इजरायली सेनाका प्रवक्ताले जनाएअनुसार इजरायली सैनिकहरूतर्फ भने कुनै चोटपटक  लागेको छैन । साथै आक्रमणकारीहरूबाट एम-१६ राइफल, एउटा ह्यान्डगन र उनीहरूले प्रयोग गरेको म्यागजिन जफत गरिएको  बताइएको छ । 
प्यालेस्टिनी स्वास्थ्य अधिकारीहरूले जनवरी १ देखि इजरायली सेनाले प्यालेस्टिनी शहरहरू, गाउँहरू र शरणार्थी शिविरहरूमा छापा मार्दा पश्चिम बैङ्क र पूर्वी जेरुसेलममा ८४ जना प्यालेस्टिनीहरूलाई मारेको बताएका छन्। 

यसैबीच, सोही अवधिमा १४ इजरायली पनि मारिएको जनाइएको छ।