नवनर्वाचित राष्ट्रपति रामचन्द्र पौडेलले प्रतिनिधि सभाको सदस्यबाट राजीनामा गरेका छन् । राष्ट्रपतिमा निर्वाचित भएलगत्तै पौडेलले सभामुखलाई सम्वोधन गरेर राजीनामा पत्र बुझाएका हुन् ।

उनको राजीनामा पत्र सोमबार सचिवालयमा दर्ता भएको छ । मंसिर ४ गते भएको निर्वाचनमा पौडेल तनहुँ १ बाट निर्वाचित भएका थिए ।

चैत्र ५ गते बस्ने प्रतिनिधि सभा बैठकमा उनको राजीनामा स्वीकृत भएर स्थान रिक्तताको सूचना सभामुखले बैठकमा सुनाउने छन् । रिक्त रहेको स्थानमा ६ महिना भित्र उपनिर्वाचन गर्नुपर्ने संवैधानिक व्यवस्था छ । 

पाैडेलले यस अघि नै कांग्रेसकाे सबै जिम्मेवारीबाट राजीनामा दिइसकेका छन् । 

उनी २५ फागनुमा राष्ट्रपतिमा निर्वाचित भएका थिए ।